الفصل 5 طفله الجميل

مر الوقت ببطيء علي ناس وسريع علي ناس بينما كان الوضع مختلف في بيت الحاجه توحه كانت الفتاتان نأماتان حتي وقت الظهيره بينما استيقظت روقيه باكر مثل عادتها وفطرت هي ووالدتها ثم جلست تحتسي معها الشاي هتفت توحه: البنات لسه نايمين يا روقيه روقيه: ايوه يا ماما هو كان في حد بيزعق الصبح بدري ولا انا بيتهيألي توحه: لاء ده كان فضالي وابنه صوتهم كان عالي بس ماعرفش ليه المهم مافيش اخبار عن المخفي اخو جوزك ده روقيه: لسه يا ماما انتي مستعجله علي ايه تلاقيه لسه ماعرفش ان احنا رجعنا مصر اصلاً توحه: ربنا يبعد عنيه عنكم روقيه: يا رب غمزه: صباح الخير روقيه: صباح النور توحه: صباح الفل على ست العرايس بس لو تبطلي لماضه شويه غمزه: هو انا عملت حاجه يا نانا والله داانا طيبه خالص ومش بحب المشاكل حتى توحه: تعرفي يا بت يا غمزه انك طبعك قريب من طبع العاصي روقيه: حرام عليكي يا ماما ده عصبي ومش بيتفاهم خالص توحه: بس طيب وتكسبيه بكلمه هههههه طيب ايه بس نانا دا حتي اسمه مش بيدل غير علي الشر هتفت بها غزل القادمه من غرفتهم توحه: العاصي لاء دا الاسم ده لوحده ليه حكايه اقعدو اما احكيلكو جلست غمزه وغزل بجانب جدتهم وبدئت تحكي لهم توحه: العاصي لما اتولد كانت ولادته صعبه اوي امه قعدت يومين تعابنه في ولادته ولما جيه الدنيا رفض يرضع منها ابوه جابله كذا واحده علي اساس يرضع من اي حد رفض نهائي، وحتي اللبن الصناعي مش كان بيرضي ياخده بس ماكنش بيعيط زي باقي العيال اللي في سنه ودوه للدكاتره وكلهم قالو انه طبيعي ومافيش حاجه تمنعه من الرضاعه قعد تلات ايام علي كده عايش علي المحاليل امه وابوه قالو خلاص هيموت وابوه مارديش يسميه ولا حتي يطلع ليه شهادة ميلاد وفي اليوم التالت من ولادته كان ابوه قاعد قدام الوكالة هو وجده دخل الشارع راجل سوداني ماسك في ايده ناقه( انثي الجمل) الراجل جيه جنب الوكاله وقعد يأكل الناقة ويحلب اللبن منها نده عليه ابو عبد الرحمن وقاله يقعد يشرب معاهم الشاي وحكاله علي حفيده الراجل السوداني قاله طب ماتجرب تشربه لبن الجمال عبد الرحمن خاف علي ابنه وقاله احسن يبقي تقيل عليه والواد مايستحملش الراجل قاله جرب هو يعني ابنك كان راضي بحاجه تانيه، ابنك شكله من صغره عنيد وشديد وهايبقي راجل مافيش حد يقدر عليه طلع عبد الرحمن واخده ونزل بيه والراجل اول ماشافه قاله يا هلا بالعاصي اللي جاي الدنيا بيعاند في الكل جاب الراجل اللبن وفضاه في كوب وبقي يسقيه بالمعلقه وهو يشرب منه وقِبل اللبن فرح ابوه وجده واصرو ان الراجل هو اللي يسميه وفعلا الراجل سماه العاصي وفضل سايب الجمل ليه هنا سنه عشان يرضع من لبنها ويكبر عليه واتصاحب مع عبد الرحمن وابوه وكان في بينهم تجاره في العطاره والحبوب والحاجات دي لحد فتره مش بعيده غمزه: ياه يا نانا دانتو عاملينه بطل من صغره بقي توحه: بكره لما تعرفوه كويس انتو كمان هاتقولو عليه كده خرجت غزل الي الشرفه ورأت الطفل زين وهو خارج من المنزل متجه الي جده وهتفت غزل: زين يا زين زين: نعم عايسه حاجه غزل: صباح الخير تعالي العب معايا زين: انتي بتلعبي كوله انا هالعب كوله (كره) مع اصحابي غزل: كده يا زين تعالي ونلعب بلاي ستيشن مع بعض زين :طيب يا غسل هاقول لجدو عسان مايزعلس مني دلف زين الي جده داخل الوكاله زين: جدو يا جدو فضالي: ايه يا زين مالك نازل زعلان كده زين: تيتا فاطمه كانت بتتخانق مع حسنه وصحيت من النوم علي صوتهم، ولما جيت اكلمها زعقتلي وكانت هاتضلبني، بس حسنه خرجتني من قدمها عسان انزل بسلعه(بسرعه) فضالي: اه بطلع اللي فيها في اي حد طب معلش انت فطرت ولا مالحقتش بقي بعد ده كله زين :لاءه انا عايس لبن يا جدو فضالي: حاضر يا حبيبي اقعد وانا هاجبلك فطار ولبن زين: غسل كانت عايزاني اطلع العب معاها ممكن اطلع بعد ما افطل فضالي: مين يا بني غسل دي زين: غسل دي اللي عند تيتا توحه فضالي: لاء بلاش احسن ابوك يجي يعمل مشكله زين: طب هاتصل بيه علي الموبايل وقوله فضالي: مش هيردى بلاش عشان هو كان متعصب الصبح بلاش عشان مايزعلش منك زين: يووووه بقي حاضل طب هاتلي بقي افطل يلا فضالي: طب انده للواد حمص من القهوه يلا وقفت غزل تنتظره في الشرفه وخرجت لها اختها وقفت بجانبها غمزه: واقفه كده ليه يا غزل غزل: ببص علي زين ولد جميل اوي يا غمزه غمزه: مين زين اه ابن البطل عاصي، بس فعلا ولد امور اوي تلاقيه شبه مامته بقلمي(ميادةمأمون) مش شكل باباه خالص غزل: اه فعلاً بس احنا مش شوفنا مامته ولا جدته يمكن يكون شبهم استني هانده عليه تاني غزل: زين انت مش هاتيجي ولا ايه زين: جدو قالي مس هاينفع وكمان بابي نزل متعصب وزعلان، ومس هاينفع اتصل بيه غزل: طب انت عايز تيجي تلعب معايا لو عايز انا ممكن انزل استأذن جدو بنفسي زين: انا عايس بس هافطل مع جدو الاول سويه كده ونفذي الخطه بقي غمزه وغزل: ههههههههههه غمزه: والله انت واد سكر خلاص افطر وهي هاتنزل تقول لجدو زين: ماسي وانتِ كمان هاتبقي ثحبتي وتلعبي معانا غمزه: وانا موافقه جداً مر وقت ما يقرب من ساعه ثم اتجهت غزل الي اسفل في اتجاه الوكاله دخلت بين النساء التي تشتري اشيائها من المواد الغذائية وهي تراه يجلس ويلعب في هاتفه علي مكتب جده غمزت له بعينيها واعتدل هو في جلسته يترقب ما يحدث ثم هتفت غزل: صباح الخير يا عمو عبد الرحمن فضالي: اهلا صباح النور يا ست البنات عايزه حاجه يا انسه غزل غزل: هو في الحقيقه انا كنت عايزه زين يجي يقعد معايا انا وغمزه شويه، ولما قولتله قالي جدو مش راضي فانا نزلت استأذنك أخده ومش هيتأخر فضالي: ايوه بس يعني ابوه لو جيه مالقهوش هايضايق انه عمل كده من وراه وهايزعل منه قوي جري زين علي جده واحتضنه من قدمه وهتف اول ما هيتصل بيا هاقوله، والنبي يا جدو عسان خاطلي وافق فضالي: طيب طيب خلاص بس ساعه واحده وتنزل علي طول زين: حاضل يا حبيبي ثم امسك بيد غزل واتجهو الي خارج الوكاله ثم صعدو الي منزلها ودلفو اليه غمزه: اهلا اهلا يا جميل زين: اسيك انا اسمي سين غمزه: اه عارفه انت مش تعرف اسمي انا اسمي غمزه زين: غمسه ياعني اسمك كده وغمز لها بعينه غمزه: ههههههه بالظبط اسمي كده ايه رأيك بقي زين: ده حلو اوي تعالي نتصول انا وانتي علي موبايلي عسان اوليها لبابي اصل بابي بيحب البنات الحلوه غمزه: لا والله طب ايه رأيك نتصور بموبايلي انا ومش نخلي بابي يشوفها زين: ماسي وهاغيظو بقي واقوله انا اتصولت مع غمسه الحلوه وانت لاءه غزل: يعني هي حلوه وهاتصور معاها وانا لاءه كده بردو دانا صاحبتك قبلها حتي زين وهو يقترب منها بصوت واطي: لاء انتي احلي منها بس عسان تاخد علينا كده وتلعب معانا غمزه: ههههههه اه دا انت بتوقعنا احنا الاتنين بقي يا نمس انت شكلك مش سهل خالص طالع لبابك ولا ايه زين:بابي عاصي حلو اوي وطيب اوي وبيجبلي كل حاجه حلوه وحمسه كمان وجدو بس تيتا فاطمه لاء توحه: اهلا انت هنا يا زين زين: ايوه يا تيتا جيت العب مع البنات الحلوين اللي عندك دول توحه: طب مش تيجي تسلم عليا زين: مانا كنت جاي اسلم عليكي عسان اخد السيكولاته بتاعتي من عندك توحه: تعالي يا حبيبي يا نوارة الشارع كله انت جلس زين معهم الي ما يقرب منتصف النهار يلعب ويمرح، وحبوه البنات جداً وهو كمان حبهم لحد ما سمع صوت سيارة ابيه ترك البلاي استيشن و اختبيء بجانب غمزه وجلس صامت غزل: الله مالك يا زين قعدت كده ليه يلا امسك دراع البلاي ستيشن عشان تلعب زين: لاء مس عايس بابي جيه وانا خايف غمزه: خايف ليه هو مش هايعمل ليك حاجه انت مستأذن من جدك زين: لاء كان لازم اقوله هو عسان بيخاف عليا احسن حد يخطفني غمزه: بس يا حبيبي جدك عارف انت فين اما عند عاصي وقف بجانب السياره هو واخيه بعد ان نزلو منها وركنها في مكانها وهتف عاصي: ادخل يا حمزه هات زين من الوكالة حمزه: ليه هو انت مش هتدخل معايا ولا ايه عاصي :لاء انا تعبان وعايز اطلع ارتاح شويه هاتلي الواد انا نزلت الصبح من غير ما اشوفه حمزه: تعبان ولا مش عايز تدخل لأبوك، ايه يا عاصي هاتتخاصم مع ابوك ولا ايه عاصي: حمزه اسر في الكلام وادخل يلا هاته حمزه: ماشي هاروح اجيبه اهو ثم دلف الي الوكاله وغاب فيها وقت قصير وبعدها خرج من غيره عاصي: ايه هو نايم فوق ولا ايه حمزه: ها لاء ثواني بس وانا هاجيبه ليك حالاً كاد ان يذهب لكن اوقفه صوت اخيه عاصي: تجيبه منين استني هنا هو الواد فين حمزه: بص ابوك قالي ان غزل نزلت الصبح وقعدت تتحايل عليه عشان تاخده عندهم وماقدرش يقولها لاءه عاصي: نعم يعني ابني عندهم دلوقتي دا يومه مش هايعدي النهارده علي خير ثم امسك هاتفه واتصل علي رقم ابنه امسك الصغير الهاتف الذي ظهرت علي شاشته صورة والده واجاب بخوف زين: ااالو يا بابي عاصي: انت بتعمل ايه عندك يا حيوان انزل حالا من عندك يلااااا زين: حااضل يا بابي ثم بكي بخوف ودموع كثيره غمزه: يا حبيبي ماتخفش اوي كده هو اكيد مش هيعمل ليك حاجه، اعملي حاجه يا نانا توحه: ماتخفش يا زين هو ابوك قفل التليفون زين: ايوه يا تيتا خليني انزل عسان مس يزعل مني توحه: لاء انت مش هاتنزل انا هانده ليه يطلع انا اصلا عايزاه وقفت توحه في الشرفه وهتفت توحه: عاصي واد يا عاصي عاصي لحمزه يييي مش هانخلص بقي: نعم ياستي توحه: اطلع انا عايزاك عاصي: معلش يا ستي انا جاي تعبان من الشغل ومش هاقدر اطلع خلي الواد بس ينزل توحه:طب معلش تعالي بس اشرب الشاي معايا وبعدين انزل علي طول تعالي يا حمزه اطلع انت كمان عاصي: ماشي يا ستي طالعين اهو و بصوت واطي قدامي يا خويا ماحنا شكلنا وقعنا في العيله دي صعدو الي اعلي هما الاثنان ودق عاصي الباب فتحت الخادمه لوزه ثم دلفو الي الداخل وعندما رأي اباه خبيء وجهه من نظراته في عنق غمزه التي كانت تحمله وتحتضنه بشده احب هو منظره ولكنه هتف به بعنف عاصي: زين تعالي هنا غمزه: ايه بتزعق فيه كده ليه الولد ماعملش حاجه غلط عاصي: بصي يا بنت الناس انا ماوجهتش ليكي كلام انا بكلم ابني، ماتنزل يلا تعالي هنا بقولك غمزه: والله لو مش بطلت زعيق مهاخليك تاخده وهاخليه معايا وابقي خلي مامته بقي تيجي تاخده عاصي: نعم مامته و انتي كنتي تعرفي مامته