الفصل 2 أول لقاء

واقف في الشارع فاتح حقيبة سيارته واخرج منها عصي غليظه طويله(شومه) الحجه توحه:اهو جيه اهو تعالو اما نشوفه بيتخانق مع مين النهارده ومين اللي امه داعيه عليه وركن عربيته مكانه دخلو الي شرفة بيتهم صرخت غمزه غمزه:عربيتي يا مامي الحقي ده هايكسرها ثم اخذت مفاتيح سيارتها وجرت لتنقذها من براثن هذا العاصي وقف يلوح بعصاه وهو يصيح بصوت مرتفع عاصي: انا عايز اعرف مين صاحب العربيه دي لو راجل ينزل يوريني نفسه وقفت امام باب المنزل بكل خوف منه ولكنها اصطنعت الشجاعه غمزه: انا صاحبة العربيه انت ايه الدوشه اللي انت عاملها دي التفت اليها وهو في قمة غضبه ثم هتف العاصي: انتي ايه انتي بنت مين يا شاطره روحي هاتيلي حد كبير اكلمه غمزه: هو ايه اللي حد كبير ده وانا مش عجباك ولا ايه قولتلك انا صاحبة العربيه وانا اللي ركنتها هنا عاصي:تمام وانتي بقي اللي هاتتحملي اللي هايحصل فيها دلوقتي غمزه بعناد:ولا تقدر تعمل حاجه ولو فكرت بس انك تلمسها هاعملك محضر في قسم الشرطه انا واحده راكنه عربيتي تحت بيتنا وانت مالكش اي حق في اللي بتعمله دا بكل عصبيه رفع العصي قاصد ان يهشم بها زجاج السياره ولكن يد اباه منعته وامسكتها من الخلف قبل ان تسقط عاصي:سيب يا ابا اما اشوف حتة العيله اللي جايه تهددني دي هاتعملي ايه فضالي:استني بس يا عاصي هاتعمل عقلك بعقل عيله صغيره هتفت توحه من الاعلي توحه: واد يا عاصي اوعي تعمل لها حاجه دي حفيدتي يا واد رفع فضالي رأسه الي الاعلي بعفويه ليراها تقف بجانب والدتها تسمر مكانه للحظات ثم هتف فضالي:خلاص يا عاصي تعالي معايا دلوقتي عاصي:ماشي ياستي عشان خاطرك انتي بس انا هاسكت بس ابقي عرفي المحروسه مين هو العاصي غمزه:حصلنا الرعب يا مستر هولاكو ثم جرت من امامه بأقصي سرعه قبل ان يفتك بها صعدت الي الاعلي لتلقي باحضان والدتها هتفت بها روقيه: ايه اللي انتي عملتيه ده انا كنت فكراكي نازله تنقلي العربية تقومي تتخانقي معاه غمزه:ماهو اللي استفزني وقالي يا عيله توحه:لاء يا غمزه ده بالذات ماينفعش توقفي قصاده ده الشارع كله بيهابه وبيحترمه ومحدش يقدر يوقف ادامه كده وانتو من ساعة مادخلتو الشارع بقيتو في حمايتو ال وانتي جايه تعاديه هتفت غزل اخت غمزه غزل:اشمعني هو يعني يا نانا طب ما اخوه قابلنا واحنا طالعين ومش عمل زيه كده ولا هو دا بلطجي يعني ولا ايه توحه:قطع لسان اللي يقول علي العاصي كده دا سيد الرجاله اما عند فضالي داخل الوكالة قص عليه كل ما قالته له الحجه توحه فضالي: عرفت بقي ياسيدي مين دول عاصي:ولما هما حالتهم نيله كده مش كانو يعرفوها مين اللي طالبين منه الحمايه ويخلوها تحط واطي شويه ياابا دي كانت بتكلمني وكأنها بنت وزير حمزه:ههههههه بس بصراحه يا عاصي ليها حق بعيونها الخضر دول وجمالها ده تتكبر كده علي خلق الله عاصي:حمززززززه لم نفسك انت اصلا لسه دورك جاي وهاطلع كل اللي فيا عليك النهارده حمزه:الله وانا مالي ياعم ماابوك هو اللي قالي اقعد معاه في الوكاله هو كل حاجه تطلعها عليا انا ولا ايه عاصي:طب غور يالا من هنا بدل ما أقوم لك وربنا وفين زين انا مش شايفه يعني من ساعة ما جيت فضالي:ماتقلقش عليه هونايم فوق عاصي : غريبه يعني نام بدري النهارده فضالي: اصله طلع معايا العصر واتغدي ونام جانبي شويه دلوقتي تلاقيه هايصحي وينزل اما يلاقي عربيتك واقفه المهم قولي موافق علي موضوع روقيه وبناتها ولاايه عاصي:خلاص يابا هو انت مش اديت ستي توحه كلمه يبقي خلاص بس البت دي مالهاش عندي حمايه طلاما هي جامده اوي كده وبتعرف تحمي نفسها يبقي تكمل مع نفسها بقي دخل زين الي الوكاله يجري عليه:بابي انت اتأخلت كده ليه عاصي:اهلا زينو حبيبي معلش اتأخرت عشان كان عندي شغل زين : طب يلا بقي انا عايز شاي بلبن من القهوه وتعالي نقعد بره عاصي:ماشي بس هاعدل العربيه وانت هات الكراسي ومع عمك وقول للواد حمص يجبلي الشيشه والقهوه ويجبلك انت الشاي بلبن بتاعك جري زين الي القهوه ولكنه توقف حين رأها تخرج من بيت الجده توحه تلبس بنطال قصير وبدي بنصف كم عليه يصل الي اسفل خصرها بقليل توقف امامها وهتف زين:انتي مين. بقلمي/(مياده) غزل:اهلا يا جميل وانت بقي تبقي مين زين :انا زين العاصي بابي اللي واقف جوه الوكاله ده غزل:اهلا وسهلا وانا غزل نانا بتاعتي اللي ساكنه في البيت ده التفت حمزه اليهم ليجد ابن اخيه يقف مع تلك الفتاه التي سرقت تفكيره بعيناها ليغضب برؤيتها بهذا المنظرونزولها ليلا لوحدها حمزه بغضب وهو يقترب: زين انت بتعمل ايه عندك وانتي ايه اللي منزلك دلوقتي ورايحه فين بالبس ده زين: دي اسماها غسل يا حمسه دي هاتبقي ثحبتي غزل:اااانا كنت عايزه اروح اجيب حاجات من السوبر ماركت حمزه:بصي يابنت الناس احنا هنا فالحته ماعندناش بنات بتنزل باليل ومعندناش بنات بتنزل بالبس ده من اصله اتفضلي علي بيتكو واكتبي اللي انتي عايزاه في ورقه وهابعت ليكي حد يجيبو غزل بخوف :حاضر حاضر ثم جرت من امامه زين:كده يا حمسه خوفت ثحبتي حمزه: قولتلي اسماها ايه صاحبتك يا زين زين:قولتلك اسمها غسل حمزه:غسل ايه ياض في بنت اسمها غسل عاصي:غزل يا قفل مش بيقولك يا حمسه ههههههه حمزه: هههههههههه غزل بس تصدق اسم علي مسمي البت جميله هي واختها عاصي:مش عارف انت شايف اختها حلوه كده ازاي مع اني مأخدتش بالي خالص منها وهي قدامي حمزه وهو يضربه بخفه علي كتفه:يا عم هو انت بتاخد بالك من حد خالص غير زين عاصي:بتمد ايدك علي مين ياواطي ولوي له ذراعه خلف ظهره وسط ضحكاتهم هم الاثنان وهم لا يعلمو ان عيون هتان الفتاتان تراقبهم من اعلي ولكن الفتاتان لم يعلمو ان هناك عيون كارهه لهم ولوالدتهم ايضا تراقبهم من شرفة شقتها فاطمه وهي تكلم نفسها بصوت واطي:ايه اللي رجعك تاني يا روقيه جايه بعد السنين دي كلها تصحي الحب القديم لا والنبي مايحصل وكويس انكو وقعتو مع العاصي بس انا برده مش هاسكت لازم اعرف انتي ايه اللي رجعك فاطمه:بت يا حسنه انتي يا بت حسنه:نعم يا ستي فاطمه:انزلي اندهيلي عاصي من تحت اجري حسنه: لاء والنبي يا ستي ده هايفضل يقولي يا فرج في الشارع قدام الناس اقولك اطلبيه علي المحمول فاطمه:امشي يابت اعملي اللي قولتلك عليه ال محمول ال حسنه:يوه بقي اديني راحه اهو وعند غزل وغمزه كتبت غزل الورقه ثم انتظرت هذا الذي يبعته حمزه ليجلب لها طلابتها ودق الباب وفتحت لوزه لوزه:عايز ايه يا حمص حمص: سي حمزه قالي اطلع عندكو واشوف طلبتكو ايه عشان اجيبها ليكو جاءت غزل من خلفها:طيب خد الورقه دي والفلوس دي وهاتلي الحاجات دي من السوبر ماركت حمص :انتي تأمري ياست البنات دقيقتين بالظبط والحاجات هاتكون عندك ثم نزل الي اسفل وجد حمزه ينتظره في مدخل البيت حمزه:عارف لو كنت دخلت هاعمل فيك ايه حمص:وربنا ياسي حمزه مادخلت دي ادتني الورقه والفلوس علي الباب حمزه :وبتاخد منها فلوس ليه ياحمار هات وريني عايزه ايه نظر الي الورقه وجد طلبتها عباره عن بسكوتات وشيكولاتات وبيبسي وشيبسهات ضحك هو على تلك الطفلة ثم اعطاه الورقه مره ثانيه واخذ منه مالها واعطاه مال من جيبه وهتف فيه حمزه:خد وروح بسرعه هات الحاجه وانا مستنيك هنا يلا ذهب حمص وجلب الطلبات ورجع له حمزه:جدع ياض خد بقي الباقي ليك وخد الفلوس دي رجعها ليها تاني اقولك استني ثم كتب في ورقه رقم هاتفه وكتب تحته (كل ما تعوزي حاجه اطلبيني بس هابعتلك اللي يجبلك اللي انتي عايزاه) ثم لف فيها مالها ووضعها داخل ال حقيبه البلاستيكيه وهتف حمزه:يلا اطلع بقي وركز اديها هي الشنطه سامع حمص:حاضر صعد اليها وتوجه الاخر خارج المنزل ليجلس مع اخيه امام الوكاله هتف عاصي عاصي: وهو يمسك بلي الأرجيله في يده: ايه يا نحنوح وديت الطلبات للمدام ولا ايه حمزه : هههههه يا ريت يا عاصي البت خطفت قلبي من ساعة ما عيني جات عليها وشوفتها نظرعاصي للاعلي ليراها تجلس في الشرفه بجانب اختها يضحكون رأها هو وكأنه يراها لأول مره ببسمتها التي اشرقت وجهها اكثر واكثر ليفيق علي هذا الصوت حسنه:يا سي عاصي يا سي عاصي هو نام يا حمزه وهو قاعد ولا ايه ضحك حمزه علي تلك البلهاء وهتف عاصي عاصي:الله يخرب بيتك يا فرج عايزه ايه ياعملي الاسود في الدنيا حسنه:طب وربنا حرام عليك اللي بتعمله فيا ده في البيت فرج وفي الشارع فرج انا اسمي حسنه وربنا عاصي:وهو يضع يده علي عنقها :يا فرج يا بنتي انا كده بصحح اوضاع غلط طب انا راضي زمتك ده وش فيه حاجه تدل علي الحسن عشان يظلمو الاسم ويسموكي بيه حسنه:ها انا مش فاهمه حاجه من اللي انت بتقوله ده ليضحك الصغير الواقف بجوار ابيه علي تلك البلهاء عاصي: مش فاهمه الواد الصغير فهم وانتي مش فاهمه انطقي وقولي عايزه ايه يا فرج واخلصي وايه اصلا اللي نزلك دلوقتي حسنه:ستي فاطمه عاوزك ضروري طب وربنا قولتلها تطلبك عالمحمول زعقتلي وقالتلي انزل اجيبك بنفسي ضحك حمزه عليها ثم هتف حمزه: ههههههههه شوفت بنفسي دي يا عاصي سيادة الوزير فرج نازله بنفسها تجيبك ثم هتف فضالي فضالي:اطلعي يا حسنه علي فوق وهو هايجي وراكي يلا حسنه:حاضر ياعم الحج عاصي:ايه هو في ايه يا حج فضالي: اكيد هاتعملك جلسة استجواب عاصي:ههههه ماشي اما اطلع اشوفها عامله اكل ايه. ثم صعد اليها وهو يحمل ولده علي كتفيه ودخل به الي الشقه ثم الي الشرفة التي تجلس فيها هتفت هي فاطمه تعالي يا عاصي يابني مش تطلع تاكل لقمه الاول وتغير هدومك وبعدين تقعد في الشارع زي ماانت عاوز روح يا زين قول لحسنه تجيب لابوك صينية العشا زين:حاضل يا تيتا عاصي :عامله ايه يا اما فاطمه:نحمدو يا حبيبي اما انا النهارده عامله لك محشي ورق عنب وبط انما ايه يستهلو بوؤك عاصي:الله الله طب يلا هاتي بسرعه الا انا جعان فاطمه :طب اقعد والبت هاتجبلك الاكل الا قولي صحيح مين البت السافله اللي كانت واقفه ترد عليك وقاعدين عند الحجه توحه دول عاصي: انا عارف يا اما اهي بلاوي وبتتحدف علينا بيقولو بنتها واحفادها فاطمه: ايه روقيه بقي ليها بنتين كبار كده عاصي:هي اسمها روقيه طب وبناتها ماتعرفيش عنهم حاجه